Fänclub SCL Tigers

Gmässe a de Mitgliederzahle si mir dr grösst Fänclub vo de Tigers. Mir hei üsi Fäns verteilt über meh oder weniger di ganzi Schwiz, vo ganz junge Lüt bis zu sehr aute Mönsche, Sitzplätzler und Stehplatzfäns oder ou nur so Glägeheitsmätschbsuecher, mir si sehr diver ufgstellt.

Üses Ziel isch, das mir Farb u gueti Stimmig iz Stadion chöi bringe, d Tiger ou uswärts unterstütze und Farb z bekenne.

Ungerem Jahr u ou während dr Saison organisiere mir verschidni Events, so das für d Fäns ou mau Müglechkeite git, mit de Tigers Spieler oder Staff z Diskutiere amne Tigerhöck oder angeri Idee wi dr Herbstbummu oder e Schiitag. U das jedi Uswärtsfahrt ihri eigete Gschichte schribt, isch ja wou aune klar, wo scho je einisch amne Uswärtsmätsch mitem Car si gange.