Was isch los?

Hie publiziere mir loufend Sache, wo mir mache, Events wo stattfinde u so. Auso we me de wider cha u so... du weisch ja :)

Jedes Jahr, we d Saison so richtig am Loufe isch, gits e Tigerhöck mit hochkarätige Gescht us de Reihe vo de Tigers, ere Legände, wo früecher dr Tiger uf dr Brust treit het u immer viu spannends vo hinger de Kulisse z erfahre. Bisch ou drbi, das Jahr im Novämber? Meh Infos gits hie uf dr Homepage.

Uswärtsfahrte: Ou sone Uswärtsfahrt isch jedes Mau es Erläbnis, mängisch sogar legendär u me red no Monate u Jahre speter drüber. Chum doch o wider mau mit u bring no grad es par Lüt us dim Umfäud mit. Zäme fägts eh meh.

Am 20. Dezämber 2025 gits vorem Mätsch es gmeinsams Fondüässe im Tigersaau. Tue dr doch das Datum scho mau reserviere, meh Infos folge no.

We du no e gueti Idee hesch oder Lust hesch, üs bi so Events z unterstütze, de mäud di sehr gärn bi üs.