News
Hie finget dir immer die aktuellschte Informatione rund umä Fanclub.
| 16.09.2026 Wiukomme uf üsere überarbeitete u neugstautete Homepage Mir hei d Summerpouse gnützt, um üsi Homepage mau neu z gstaute u chli neu z organisiere. Dir finget ab sofort aui nötige Informatione immer schnäu u übersichtlech hie. Si wird ono witerwachse u löht öich überrasche, wases aues Nöis git u was no aues wird cho. Heiter zum Bischpiu scho gseh, was mir näbscht de bekannte Hüet neu ono zum Choufe abiete? Nid, ja den gang lueg doch mau unger dr Rubrik Merch. Viu Spass | ||
| 31.08.2026 Uswärtsfahrte nöii uf Eventfrog.ch Ab dr Saison 2026/27 organisiere mir d Uswärtsfahrte über Eventfrog.ch. Dir chöit ab sofort Tickets choufe u o grad zahle. (Natürlech isch zahle vorem Iistige im Car ono möglech). Usserdäm wird mä neu im Car o näbscht mit Twint u Bargäut o mit Charte chönne zahle. Somit wärde mir no chli moderner u vorauem entlaschtet, u d Carhäufer hei itz chli meh Zyt. Usserdäm profitiere mir vore bessere Planig u zum Teil o attraktivere Konditione bi de Gaschtmannschafte. | ||
| 24.06.2026 Dr Fänclub präsentiert e dütliche Gwinn ar HV Am 24. Juni het d HV vom Fanclub stattgfunge u mir hei 48 Mitglieder dörfe begrüesse. Näbscht em emotionale Saisonrückblick vo üsem Presi, u es paar spannende Zahle zu de Uswärtsfahrte het vorauem z Jahresergäbnis vom Kassier interessiert. Dr Fanclub het es schöns Plus vo CHF 3'839.87 dörfe uswiise. Witer isch z Budget für die neui Saison vorgsteut worde u o es paar Neuerige, wo vorauem d Uswärtsfahrte wärde beträffe. Im Vorstang hets zwe Abgäng u e Neuzuegang gäh. Am Schluss het der Dieter Aeschimaa üs no exklusiv z Trikot vor neue Saison vorgsteut u ono es paar Wort vom Dank a üs grichtet. Dr krönendi Abschluss het mitem Spaghetti-Plousch im Bistro 46 stattgfunge. |
Aui vergangene News fingsch hie im ARCHIV