Uswärtsfahrte
u ir Saison 2026/27 fahre mir wider mitem Summer Car ad Uswärtsfahrte. Dass mir di Fahrte ohni Verluscht chöidürefüehre, ischs wie bis anhin so, dass mindischtens 20 Lüt pro Fahrt müesse mitcho, süsch chöi mir d Carfahrt leider nid organisiere/dürefüehre. Für Mitglieder chostet d Fahrt häre u zrügg CHF 30.- u für Nidmitglieder CHF 40.–. Uf Bärn fahre mir nach wie vor nid, wüus z nach isch u dert aui säuber chöi häre cho.
Amäude chasch di uf Eventfrog.ch. Äs wärde KEINI Amäudige über angeri Kanäu wie bispiuswies WhatsApp, Instagram oder Mail entgägegnoh. Das isch ganz wichtig, wüu mir so aune di gliche Chance wei gäh. Zudäm macht üs das die ganzi Organisation viu eifacher.
D Mitglieder hei mit dr Rächnig e Code füre Zuegangsschlüssu übercho, dä bruchet dir, um d Mitgliederpriise freizschaute. Bi Fragä dörft dir üs gärn es Mail mache.
Im Car gits jewils chlini Snäcks und Getränk z choufe.
Mir tüe öich o uf d AGB zu de Uswärtsfahrte hiwiise. Dert si aui Reglä zum Ticketing, de Uswärtsfahrte u zum Car feschtghaute.
Infos Speziau- u Mottofahrte 2026/27
O i dr kommende Saison heimer wieder 3 Spezialfahrte planet:
Sunntig, 22. Novämber - Familiefahrt uf Rappi
Sunntig Spiustart 14.00 Uhr isch Family Game in Rappi. Mir nütze das grad u mache e Fahrt für Gross u Chlin. Grosseutere, Eutere, Gotte u Götti, inklusive Ching u Änkuching - mir hei Platz für aui. Löht öich usserdäm la überrasche vo de vielä Attraktione rund um das Spiu. Mir fröie üs uf euch. Hie chasch diräkt bueche!
Samschtig, 19. Dezämber - Hockey Country meets Wild West
Üsi disjährigi Motto- u Revivalfahrt geit ume uf Zug u het z Thema wiude Weschte. Chömet verchleidet u erläbet e super Uswärtsfahrt. Mir wei zäme uf Zug u dert üser Tigere bunt, luut u fridlech zu drü Punkt trummele, singe, chlatsche u mööge. Die Fahrt choschtet für aui nume CHF 20.- Franke (exklusive Ticket)! Hie chasch diräkt bueche!